တြင္ရြာ ၊နတ္ပဲြေစ်း
ဘကြီးပွဲဈေး
အပြန်
နတ်စင်သို့အလာ
နတ်စင်ရှေ့
ပြီးခဲ့သည် နယုန်လဆန်း(၉)ရက်နေ့က ကျင်းပခဲ့တဲ့ ကျုပ်တို့ရွာ နတ်ပွဲသတင်း
အညာဒေသက နတ်ပွဲ တော်တော်ပေါသည်။ ကြည့်ပါဦး၊ အလုံနတ်ပွဲ။ ရတနာ့ဂူပွဲ။တောင်ပြုန်းပွဲစသည် စသည်ဖြင့်။ တိုင်းသိပြည်သိပွဲတွေ ရှိသည်။ ကျုပ်တို့ရွာလို နယ်တွင်းပွဲလေးတွေကလည်း ဟိုတစ သည်တစ်။ ကျုပ်တို့နယ်မှာတော့ ဘကြီးပွဲ။ ယင်မာပင်ဘက်၊ဆားလင်းကြီးဘက်မှာတော့ အမေကြီးပွဲတဲ့။
အခုလည်း ပြီးခဲ့တဲ့ နယုန်လဆန်း(၉)ရက်နေ့က ကျုပ်တို့ရွာမှာ နတ်ပွဲကျင်းဖြစ်သည်။နှစ်စဉ်အတိုင်းပေါ့လေ။ ကျုပ်တို့ရွာကထက် နဘေးနတ်ယုံသူတွေက ပိုသည်းမယ်ထင်တယ်။ ဟိုဟာလေးဖြစ် နတ်စင်တက်။ ဒီဟာလေးဖြစ် နတ်ပူဇော်။ ကြာတော့ မင်္ဂလာဆောင်၊နွားပျောက်တာက အစ နတ်နဲ့ မကင်း။ လင်းမယားကွဲတာ ပြန်ပေါင်းလား၊ ပျောက်တဲ့နွားပြန်တွေ့လားတော့ မသိဘူး။ နတ်ကတော်အိမ်ကတော့ အဆင်ကိုပြေလို့ပဲလေ။
ဘာတဲ့ ကျုပ်တို့ရွာမှာ ကလေးမွေးပြီဆိုရင် နတ်စင်သွားပြီး “ဘကြီးကျွန်တစ်ယောက် တိုးပါပြီတဲ့” ။တိုင်ရ သည် ဆိုပဲ။ ဒါနဲ့ ကျုပ်တို့က ဘုန်းကြီးကျောင်းသားအဖြစ်နဲ့ အနေများတော့ ဘုန်းကြီးကိုရင်တွေ ပြောတာတွေ ပြောလို့လား၊ ဘာသာရေးအခြေခံ ရှိသွားလို့လားမသိဘူး။ နတ်ပွဲဆို မတက်ဘူး၊ ကန်တော့်ခိုင်းရင် ဝေလာဝေး။ ဒီအတွက် အမေက စိတ်ပူပြီး ကျုပ်အစား ခဏခဏတောင်းပန်ရတာလည်းအမော၊ လဘက်ဆိုင် အော်ဒါမှာလောက်အောင် ဘကြီးနတ်ကို လဘက်တစ်ရိုးဘာညာနဲ့ ပူဇော်။
မှတ်မိသေးတယ်။ သိပ်မကြာသေးဘူး။ ကျုပ်အသိ ဗေဒင်ဆရာ ဟောတယ်။ မိန်းကလေးအရှုပ်ရှိတယ်တဲ့။ အဲဒါလေး အဆင်ပြေအောင် ၀က်သားနဲ့ အရက်ရှောင်ပါတဲ့လေ။ ဘယ်ရမလဲ။ အလိုလို သူပြောတဲ့မိန်းကလေးအရှုပ်က ကိုယ်လိုချင်တဲ့အရှုပ်ကိုး။ ဖြစ်ပလေးစေဆိုပြီး ၀က်သားတွေလှိမ့်စား။ မိန်းကလေးမြင်ရင် စ။ အမေကလည်း နတ်ထွက်လို့ ဆိုပြီး အမေက နတ်စင်သွားပြီး ပူဇော်။ အဲအမေက ပြောသေးတယ်။ ဟဲ့ နင့်ဒီလိုနေနိုင်တာ ဘကြီးကျေးဇူးတဲ့။ ကျုပ်ကို အမေပြောတော့ ကျုပ်ဘယ်ငြိမ်ခံမလဲ။ ဘယ်ရမလဲဗျ။ အမေကလည်းဗျာ နေ့တိုင်း ကျုပ်ရွတ်နေတဲ့ပဌာန်းတန်ခိုးက သွားရောတဲ့လားဗျ။ ဘကြီးဆိုတာ ဟိုး အမေကြီးနဲ့ ကွဲနေလို့ ယင်မားပင်ဘက်လိုက်သွားတာဖြင့် ကြာပေါ့။ မယုံရင် အမေကြီးပွဲ လိုက်သွားကြည့်ဗျာဆိုတော့ အမေလည်း စိတ်တိုရခက်၊ ရယ်ရခက်။ မျက်နှာမတည်မမဲ့နဲ့ “ဘကြီးရယ် ဘကြီးသား ဒီလိုဆော်ကားတာကို ဗွေမယူပါနဲ့။မလိမ်မို မလိမ္မာလေးမို့ပြောမိတာပါ”တဲ့။
ကျုပ်လည်း စိတ်တိုတိုနဲ့ လှည့်ထွက်ခဲ့တယ်။
အဲဒီလောက်ထိ နတ်ကို ကိုးကွယ်ကြတာ။
(Photo by Ye Min)
No comments:
Post a Comment